Je wewe ni Simeoni wa Kirene? (Tafakari)

Tunasoma katika Injili ya Mtakatifu Marko 15:21, habari za Simeoni wa Kirene aliyemsaidia Yesu msalaba. Ni mstari mmoja tu, lakini wenye maana kubwa sana katika Imani. Kanisa kwa kutambua mchango wa mstari huu mmoja, umetenga kituo cha tano katika Ibada ya njia ya msalaba, kutafakari fumbo hili kubwa.
Nataka nikukaribishe tuutafakari mstari na fumbo hili la Simeoni wa Kirene anayemsaidia Yesu Msalaba.

  • Mazingira ya tukio

Simeoni alikua anatoka shambani kuelekea nyumbani kwake. Yamkini hakua anafahamu ni jambo gani linaloendelea wakati ule, au kama alikua anafahamu basi halikua jambo la msingi sana kwake. Maana kama angekua ni mwamini au mwanafunzi wa Yesu Kristo asingekua anatokea shambani wakati ule, lazima angekua katika hali ya huzuni na majonzi. Simeoni yamkini alisogea katika msongamano ule wa safari ya kuelekea Kalivari baada ya kuona mkusanyiko mkubwa wa watu, ni hulka ya binadamu kupenda taarifa. Labda alijongea ili kujua ni nini kinaendelea.

Lakini ghafla, anashurutishwa kumsaidia Yesu kuubeba msalaba. Simeoni anapewa kazi ya kushiriki adhabu, mateso na machungu na mtu asiyemfahamu. Simeoni anakubali, labda kwa kufuata amri ya askari lakini pia labda kwa huruma anayoiona juu ya Yesu ambaye alikua yu dhoofu hali.

Simeoni anashiriki kazi ya ukombozi kwa kuubeba msalaba pamoja na Kristo, jambo lile limeweka jina lake katika historia ya kanisa duniani, na limeandikwa hivyo pia katika mbingu. Je, Simeoni wa Kirene ni zawadi gani atayostahili kubwa zaidi ya kushiriki katika meza ya Bwana milele?

  • Funzo katika fumbo hili

Simeoni, alifanya jambo moja la upendo na ukarimu. Hakujua zawadi itakayotokana na msaada ule. Simeoni alikua anatoka shambani, lazima alikua amechoka. Lakini aliuona uchovu wake kuwa si kitu mbele ya Kristo aliyekua amevia damu mwili mzima, Yesu ambaye mwili wake umechakaa kutokana na mateso. Tendo lake moja la ukarimu, tena bila kufahamu malipo yake limempa Simeoni nafasi kubwa sana katika historia, katika kanisa na zaidi ya yote katika Mbingu.

  • Wewe pia ni Simeoni wa Kirene


Kila wakati unapokutana na mtu mwenye kuhitaji msaada wako, wewe unakua Simeoni wa Kirene. Yawezekana umetoka shambani namaanisha ukawa umechoka labda huna fedha, huna nguvu, umebakiwa na akiba ndogo sana nakadhalika. Yamkini mtu anayehitaji msaada wako ni hohehahe wa kutupwa na watambua hakuna namna ambavyo anaweza kukulipa.

Kumbuka Simeoni wa Kirene alibeba msalaba na Yesu akiwa ametoka Shambani na amechoka haswa. Alibeba msalaba wa mtu anayeenda kufa, hivyo alijua hatopata chochote, aliubeba msalaba kwa ukarimu na upendo. Vivyo hivyo nasi katika kuombwa msaada, tusijali kuwa tumechoka wala tusitafute faida gani tutaipata kutokana na kusaidia. Tuwasaidie watuombao msaada, pamoja na uchovu wetu, tuwasaidie bila kuangalia wataturudishia nini.

Tuufuate mfano wa Simeoni wa Kirene.

Popular posts from this blog

IFAHAMU SAKRAMENTI YA KITUBIO/UPATANISHO

Image
Maana Sakramenti ya kitubio pia huitwa sakramenti ya Upatanisho, ipo katika fungu la sakramenti za uponyaji. Kuna Sakramenti mbili za uponyaji, kitubio na mpako mtakatifu wa wagonjwa. Dhumuni haswa la Sakramenti ya uponyaji ni kuzirejeshea uhai roho zetu pale zinapougua kwa kutenda dhambi. Yesu ndiye tabibu mkuu wa roho zetu naye yu tayari kututibu kila tunapougua. (Katekisimu Katoliki 1420,1421) Sakramenti ya kitubio huhusisha, kutambua makosa, kujuta na kuungama pamoja na kuweka nia ya kutotenda dhambi hiyo tena. Kitubio hutusafisha dhambi tulizozitenda baada ya ubatizo. Tunakumbuka, siku ya ubatizo tulipewa kitambaa cheupe, ikiwa ni ishara ya kuwa sasa tumekuwa wapya. Lakini kadri tunavyosongwa na mambo ya dunia, kitambaa chetu cheupe kinachafuka nacho chahitaji kusafishwa, ndio maana tunapata Sakramenti ya kitubio. Wakati gani unahitaji Sakramenti ya kitubio Kila wakati unapotenda dhambi unahitaji Sakramenti ya kitubio. Usisubiri ukirundika dhambi zako ili
Read more

IFAHAMU SALA YA BWANA (BABA YETU)

Utangulizi Wanafunzi wa Yesu walimuomba awafundishe kusali kama vile ambavyo Yohana aliwafundisha wanafunzi wake kusali. Naye Bwana akawafundisha sala ambaya inatambulika zaidi kama Sala ya Bwana (kwa sababu Bwana mweyewe ndiye aliyeifundisha) aliwaambia msalipo semeni hivi; "Baba yetu uliye mbinguni, Jina lako litukuzwe, ufalme wako ufike, utakalo lifanyike duniani kama mbinguni, utupe leo mkate wetu wa kila siku, utusamehe makosa yetu, kama tunavyowasamehe na sisi waliotukosea, usitutie katika vishawishi, Lakini utuopoe na yule muovu" Nyongeza katika sala ya Bwana, Baadaye katika sala ya Bwana maneno yafuatayo yaliongezwa "Kwa kuwa ufalme ni wako na nguvu na utukufu hata milele Amina."  Ukuu wa sala ya Sala ya Bwana Sala hii imepokea heshima na hadhi kubwa kwenye kanisa tangu wakati huo mpaka leo. Mababa wa Kanisa katika mapokeo, mfano Mtakatifu Agoustino anasema; "Zipitieni sala zote zilizo katika maandiko na siamini kama mtakuta humo kitu c
Read more

NYIMBO ZA BIKIRA MARIA

Zifuatazo ni nyimbo mbalimbali za Bikira Maria. Bonyeza nyimbo husika na utaweza kuidownload moja kwa moja AVE MARIA BARAGUMU LA MARIA HERI MARIA HESHIMA TWATOA ISHARA KUBWA JINA LA MARIA LITUKUZWE POTE JINA TUKUFU LA MARIA MAMA WA MWOKOZI TUSIKIE WANAO MARIA MWOMBEZI MIMI NI MTUMISHI WA BWANA MKONO WAKO PAMOJA NA MALAIKA MARIA MSIMAMIZI SALAMU MALKIA WA MBINGU SALAMU MAMA MARIA SALAMU MARIA EE MAMA TUMSIFU MARIA ENYI WANAE ULIZALIWA PASIPOKUA NA DHAMBI UNITETEE KWA MWANAO ZIPENDE NYIMBO ZETU Kwa tatizo lolote wasiliana nasi
Read more