Kwaresima: Jifunze, Tafakari juu ya fumbo la Shamba la Mizabibu (Isaya 5:1-7)

Katika Isaya 5:1-7, Nabii Isaya, anaeleza fumbo fupi kupitia kisa cha shamba la mizabibu.


  • Kisa cha Shamba la Mizabibu?

Anaeleza; Mkulima alikua na shamba la mzabibu, mahali pa kilimani penye kuzaa sana, kwa kulijali akalipalilia, akalisafisha, akaweka samadi iliyo nzuri, akalitengenezea na kisima cha maji ndani yake. Akitegemea kuwa litazaa zabibu zilizo njema na safi lakini likazaa zabibu mwitu, zabibu chungu. Kisha anauliza akisema; Je, ni jambo gani nililopaswa kulitenda katika shamba langu la mizabibu na sikulifanya? Mbona nalipotegemea litazaa zabibu safi limezaa zabibu mwitu?

  • Fumbo hili lina maana gani?

Mkulima ni Mungu, na shamba la mizabibu ni sisi binadamu kila mmoja kwa nafasi yake. Kazi aliyoifanya mkulima ya kuliandaa shamba la mizabibu ni zawadi, vipawa, na talanta ambazo Mungu ametujalia. Zabibu ni matunda yatokanayo na zawadi, talanta na vipawa ambavyo Mungu ametujalia.

  • Fumbo hili lina uhalisia gani?

Katika maisha yetu Mungu ametubariki katika namna mbalimbali, kila mmoja kwa namna yake binafsi. Tumejaliwa uhai, elimu, vipaji, hekima, talanta, umaridadi nakadhalika. Kutoka katika mambo yote hayo Mungu aliyotujalia anategemea tutoe matunda safi na yenye kupendeza. Anataka tuifundishe jamii njia yake, tuwasaidie watu kwa upendo, tushiriki katika uenezaji wa injili, tuwafariji wanaaonewa na kudharauliwa. Mungu anategemea tutumie zawadi zake katika kumtukuza yeye. Lakini sisi tumekengeuka, tunatumia zawadi za Mungu kumtukuza shetani.

  • Tafakari binafsi

Jaribu kufikiri kila zawadi ambayo Mungu amekupatia ni kwa namna gani unayoitumia? Jiulize pia kwa namna ambavyo unayaendesha maisha yako je sifa zinaenda kwa Mungu ama hasha!

  • Fumbo hili lina maana gani katika kipindi hiki

Kipindi cha kwaresima ni wakati wa kujitafakari na kuangalia wongofu.  Tunaalikwa kujitafakari kama ni kweli tunatoa matunda kulingana na nguvu ambayo Mungu amewekeza juu yetu. Endapo tutang’amua ya kuwa hatutoi matunda yenye kumpendeza Mungu hima tukimbilie katika kiti cha kitubio na kuomba toba.

  • Tusipobadilika nini kitatokea?


Majibu yanaonekana katika Isaya 5:5-6, ataliharibu shamba la mizabibu na ataacha likanyagwe na hatalitunza tena. Hii ni adhabu kubwa mno, maana Mungu ataondosha baraka zake juu yako naye atakuacha ukiwa bila rutuba, matokeo yake ni mahangaiko na mateso makuu. Tusifike huku, tumuombe Roho Mtakatifu atuongoze vyema na atuasaidie kuishika ile iliyo kweli.

Kwaresima njema.

Popular posts from this blog

IFAHAMU SAKRAMENTI YA KITUBIO/UPATANISHO

Image
Maana Sakramenti ya kitubio pia huitwa sakramenti ya Upatanisho, ipo katika fungu la sakramenti za uponyaji. Kuna Sakramenti mbili za uponyaji, kitubio na mpako mtakatifu wa wagonjwa. Dhumuni haswa la Sakramenti ya uponyaji ni kuzirejeshea uhai roho zetu pale zinapougua kwa kutenda dhambi. Yesu ndiye tabibu mkuu wa roho zetu naye yu tayari kututibu kila tunapougua. (Katekisimu Katoliki 1420,1421) Sakramenti ya kitubio huhusisha, kutambua makosa, kujuta na kuungama pamoja na kuweka nia ya kutotenda dhambi hiyo tena. Kitubio hutusafisha dhambi tulizozitenda baada ya ubatizo. Tunakumbuka, siku ya ubatizo tulipewa kitambaa cheupe, ikiwa ni ishara ya kuwa sasa tumekuwa wapya. Lakini kadri tunavyosongwa na mambo ya dunia, kitambaa chetu cheupe kinachafuka nacho chahitaji kusafishwa, ndio maana tunapata Sakramenti ya kitubio. Wakati gani unahitaji Sakramenti ya kitubio Kila wakati unapotenda dhambi unahitaji Sakramenti ya kitubio. Usisubiri ukirundika dhambi zako ili
Read more

IFAHAMU SALA YA BWANA (BABA YETU)

Utangulizi Wanafunzi wa Yesu walimuomba awafundishe kusali kama vile ambavyo Yohana aliwafundisha wanafunzi wake kusali. Naye Bwana akawafundisha sala ambaya inatambulika zaidi kama Sala ya Bwana (kwa sababu Bwana mweyewe ndiye aliyeifundisha) aliwaambia msalipo semeni hivi; "Baba yetu uliye mbinguni, Jina lako litukuzwe, ufalme wako ufike, utakalo lifanyike duniani kama mbinguni, utupe leo mkate wetu wa kila siku, utusamehe makosa yetu, kama tunavyowasamehe na sisi waliotukosea, usitutie katika vishawishi, Lakini utuopoe na yule muovu" Nyongeza katika sala ya Bwana, Baadaye katika sala ya Bwana maneno yafuatayo yaliongezwa "Kwa kuwa ufalme ni wako na nguvu na utukufu hata milele Amina."  Ukuu wa sala ya Sala ya Bwana Sala hii imepokea heshima na hadhi kubwa kwenye kanisa tangu wakati huo mpaka leo. Mababa wa Kanisa katika mapokeo, mfano Mtakatifu Agoustino anasema; "Zipitieni sala zote zilizo katika maandiko na siamini kama mtakuta humo kitu c
Read more

NYIMBO ZA BIKIRA MARIA

Zifuatazo ni nyimbo mbalimbali za Bikira Maria. Bonyeza nyimbo husika na utaweza kuidownload moja kwa moja AVE MARIA BARAGUMU LA MARIA HERI MARIA HESHIMA TWATOA ISHARA KUBWA JINA LA MARIA LITUKUZWE POTE JINA TUKUFU LA MARIA MAMA WA MWOKOZI TUSIKIE WANAO MARIA MWOMBEZI MIMI NI MTUMISHI WA BWANA MKONO WAKO PAMOJA NA MALAIKA MARIA MSIMAMIZI SALAMU MALKIA WA MBINGU SALAMU MAMA MARIA SALAMU MARIA EE MAMA TUMSIFU MARIA ENYI WANAE ULIZALIWA PASIPOKUA NA DHAMBI UNITETEE KWA MWANAO ZIPENDE NYIMBO ZETU Kwa tatizo lolote wasiliana nasi
Read more